Дубайда қалып қойған 500-ге жуық отандасымыз елге оралды

Бүгін Таяу Шығыстағы қарулы қақтығысқа байланысты Дубайда қалып қойған 500-ге жуық отандасымыз елге оралды. Олардың дені демалуға барған. Арасында кәмелет жасқа толмаған балалар да бар. Қазақстандықтарды елге жеткізу үшін  Fly Dubai әуе компаниясы 3 рейс ұйымдастырды. Оның екеуі Алматыға қонса, біреуі Астанаға келді.  Әріптесім Сүндет Оралбек елге асыға жеткен жолаушылармен тілдесіп қайтты. 

Айсұлу Әбдіғалиева Қатарға демалысқа барған. Алайда, шекара маңындағы шиеленіс Айсұлудың жоспарына кедергі келтірді. Оның Таяу Шығыста бөгеліп қалғанына бірнеше күн болған. Бүгін арнайы ұйымдастырылған рейспен елге аман-есен жетті. Әуежайда оны жақындары құшақ жая қарсы алды. Ұзақ уақыттан кейін табаны туған жеріне тиген жолаушы қуанышын жасыра алмады. Айтуынша, елге тезірек оралуды күн санап күткен.