Діндер съезі – салмақты диалог алаңы

Дін көшбасшылары барша халыққа адамгершілік қасиеттер мен гуманистік құндылықтардың шамшырағы болуға тиіс. Президент Әлемдік және дәстүрлі діндер көшбасшыларының VIII съезін қорытындылады. Қасым-Жомарт Тоқаев қабылданған Декларацияның идеяларын белсенді насихаттауға шақырды. Екі күндік алқалы жиында мемлекет басшысы ұсынған климат өзгерістерімен күрестегі дін басшыларының рөлі туралы құжат әзірлеу идеясы қолдау тапты. Сондай-ақ, дін және гуманизм тұрғысынан жасанды интеллектіні жауапкершілікпен пайдаланудың жалпыға бірдей қағидаттары қабылданады.