«Бозжыра» визит орталығының құрылысы басталды

Маңғыстау облысындағы «Бозжыра» шатқалында жаңа туристік жобаның алғашқы қазығы қағылды. Заманауи үлгіде салынатын визит-орталықта саяхаттаушыларға барлық жағдай қарастырылады. Онда келушілер орталығы, этно-кафе мен глэмпингтер бой көтермек. Жобада 17 павильон, 50 қонақүй бөлмесі, жалпы аумағы 450 шаршы метр болатын визит-орталық пен этно-кафе қарастырылған. Кешен құрылысы отандық инвестордың жеке қаржысына жүзеге асады. Жоба авторларының айтуынша, визит орталық экологиялық талаптарға және тұрақты туризм принциптеріне сай. Өңірдің туристік әлеуетін ілгерілетуге бағытталған кешен 2027 жылы пайдалануға берілмек.