Болашаққа цифрлық қадам

Digital Almaty форумында Үндістан, Иран және Қытайдың технопарктері қатысады. Сарапшылардың айтуынша, аталған елдермен әріптестік арқылы өңірлік деңгейде цифрлық индустрияны дамытуға болады. Осылайша, экономикалық, әлеуметтік және экологиялық мәселелерді шешу мақсатында жаңа технологияларды қолдануға жол ашады. Жалпы, форум жаңа инновациялық бастамалар мен стартаптардың таралуы үшін көп мүмкіндік береді. Оның үстіне, бизнес пен жаңа бастама арқылы кәсіп жүргіземін деп ниет білдіргендерге жағдай жасайды. Шараға қатысу үшін 30 мың компания өкілдері мен 200 спикер келеді деп күтілуде. Шара аясында 40 пленарлық сессия өтіп, онда сарапшылар жаңа технологияларды экономиканың түрлі секторларында қолданудағы өз мысалдарымен бөліседі. Естеріңізге сала кетсек, форум Алматыда 1-3 ақпан аралығында өтеді. Дегенмен, сарапшылар биылдың өзінде қазақстандық ІТ қызмет экспорты 500 млн долларға жетеді деп жорамалдап отыр.