Ашықтық пен әділдіктің нақты үлгісі

Азаматтар енді күрделі сыбайлас жемқорлық фактілерін өздері анықтап, құзырлы органға хабарлай алады. «Алматы адалдық алаңы» жобасының арқасында қала тұрғындарына 403 тегін құқықтық кеңес беріліп, 165 өтініш қаралды. Халықаралық сыбайлас жемқорлыққа қарсы күрес күніне орай конференция өтті. 

Алматылықтар көбіне еңбек даулары, әлеуметтік төлемдер, несие және мүліктік мәселелер бойынша өтініш жасайды. Жыл басынан бері жедел желі арқылы 165 өтініш қаралып, 3 сыбайлас жемқорлық фактісі тіркелген. 

Сәуле Алпысова, «Алматы адалдық алаңы» жобасының үйлестірушісі: 

- Екі жыл бойы мыңға жуық әлеуметтік жағынан қорғалмаған топтарға құқықтық көмек көрсетілді. Әрбір жұмыс топтары арасында мыңға жуық адамдарға денсаулық, білім саласындағы қызметкерлерге комплаэнс офицерлердің қатысуымен көптеген лекция, дәрістер кездесулер өткізілді.

Жоба аясында сыбайлас жемқорлыққа қатысты әлеуметтік зерттеуге 3 мың адам қатысқан. Тұрғындар мемлекеттік органдар мен білім, медицина саласындағы ұйымдармен байланысын нығайтып, сенімді әрі әділ орта қалыптастырды 

Марат Калимолдин, «Парасатты ұрпақ үшін» ҚҚ Президенті «Алматы-адалдық алаңы» жобасының жетекшісі: 

- Ой бөлістік. Заң мен тәртіп қағидатының негізінде халық арасында сыбайлас жемқорлық мәдениетін ұйымдастыру барысын талқыға салдық. Біраз ақпарат жинадық. Конференция қортындысы бойынша біз құзыретті органдарға өз ұсынымдарымызды береміз. Қасым-Жомарт Кемелұлы айтқандай, Сыбайлас жемқорлықпен күрес қоғамдық мазмұн алу керек деп отыр сондықтан қоғамдық белсенділікті осы бағытта арттыра береміз.

Бүгінде қала бойынша сегіз ауданда фронт-офис жұмыс істейді. Жыл басынан бері 66 іс шара өткізіліп, 5,5 мыңнан астам адам қамтылған.