163 мың адам атаулы әлеуметтік көмек алған

Жыл басынан бері елімізде 163 мыңға жуық адам атаулы әлеуметтік көмекке ие болды. Еңбек және халықты әлеуметтік қорғау министрлігінің бас сарапшысы Шыңғыс Шәкілдің айтуынша, бұл шамамен 30 мың отбасыға тең. Сондай-ақ, оған бюджеттен 62,7 млрд теңге бөлінген. Атаулы әлеуметтік көмек берудегі мақсат – әлеуметтік аз қамтылған отбасыларды қолдау, ондағы балалардың дұрыс білім алуына, ас-ауқат ішуіне жағдай жасау. Қосымша медициналық қызмет немесе арнайы бағдарламалар арқылы қолдау алуына жәрдемдесу. Қазіргі таңда бұл жұмыстарды үлестіру үшін цифрлық жүйелер қолданылып жатыр. «Отбасының цифрлық паспорты» жасалған. Өтініштердің бәрін eGov платформасы арқылы жіберуге болады.

Шыңғыс Шәкіл, ҚР Еңбек және халықты әлеуметтік қорғау министрлігінің бас сарапшысы:

- Негізгі критерийі кедейлік шегі болып табылады. Оның мөлшері медианалық табыстың 35 пайызы көрсетілген тоқсанға есептелген өңірлік күнкөріс деңгейінің 7 пайызынан төмен емес айқындалады. Табысы осы көрсеткіштен төмен болса, айырмашылық атаулы әлеуметтік көмек болып табылады.