Үндістандық дәріні сатуға тыйым салынды

Елде үндістандық «Десилмакс» препаратын сатуға тыйым салынды. Егер бұл дәріні қандай да бір дәріхана сөресіне қоятын болса, онда жауапқа тартылады. Қазір айналымға түскендері шетінен тәркіленіп, жиналып жатыр. Бұл Денсаулық сақтау министрлігінің бұйрығына сәйкес жасалып жатқан шара. Ерлерге арналған «Десилмакс» препаратты «Маклеодс Фармасьютикалз Лимитед» компаниясы шығарып келген. Фармацевтикалық бақылау комитетінің мәлімдеуінше, бұл дәрі Қазақстан дансаулық сақтау стандарттарға мүлде сай келмейтін анықталған. Сондықтан, жауаптылар оны мүлде тұтынбау керегін айтады.

Гаухар Раймқұлова, ҚР Медициналық және фармацевтикалық бақылау комитеті төрағасының орынбасары:

- Қосымша қорапта жазулардың орналасу, мәтін бағыты бекітілген макетке сәйкес келмейді. Бізде тіркеу болған кезде, мемлекеттік тіркеуден өтеді барлық прпараттар, сол  кезде макетке сай бекітеміз. Түрі қандай жазулары бар дегендей, солардың бәрі бекітіледі.

Астанада 11 медициналық нысан бой көтереді

Сондай-ақ, денсаулық сақтау басқармасы алдағы жылдарға арналған жоспарымен де бөлісті. Соған сәйкес, Астана қаласында 11 медициналық орталық бой көтермек. Оның ішінде 2  перзентхана, заманауи көпбейінді жаңа аурухана, 6 жаңа толыққанды емхана, сондай-ақ 2 жедел медициналық жәрдемнің қосалқы станциясын салу көзделген. Бұл алдағы уақытта қала тұрғындары санының көбеюімен байланысты дейді жауаптылар. Айта кетейік, 2035 жылға қарай елордалықтар саны 2,3 млн-ға жетеді деген жоспар бар.