Таза Қазақстан: Сақ қорғандарының аумағына 50 түп ағаш отырғызылды | Jibek Joly news

Алматыда Сақ қорғандарының аумағына ағаш отырғызу акциясы өтті. Бастама Қазақстан Халқы Ассамблеясының 30 жылдығына орай ұйымдастырылды. Экологиялық акцияға этно-мәдени бірлестіктердің өкілдері қатысты. 2022 жылдан бері бұл аумақта жүйелі түрде ағаш отырғызылып келеді. Соның нәтижесінде бүгінде тұрғындар тынығатын көлеңкелі саябақ бой көтерді. Қатысушылар жаңа демалыс орнында 50 ағаш отырғызып, оның тұрғындар үшін маңызды екенін және мұндай экологиялық бастамалардың қала табиғатын жақсартуға септігін тигізетінін атап өтті.