«Таза қала» тележобасы еліміздің туристік аймақтарын түсіреді

«Таза қала» тележобасы енді еліміздің туристтік аймақтарын түсіреді. Жақында Jibek Joly арнасындағы танымал телебағдарламаның үшінші маусымы басталады. Түсірілім тобы бұл жолы елдің 24 туристік бағытына барады. «Адал гид» форматы өзгеріссіз қалады. Бір жүргізуші табиғаттың сұлулығына, өңірдің қонақжайлығына және мәдени ерекшеліктеріне зер салса, екіншісі — тазалыққа баға береді. Тележобаның миссиясы — көрермендерге Қазақстанның туристік аймақтарының жағдайы мен дайындығы туралы шынайы ақпарат беру. Айтпақшы, «Таза қала» тележобасы «Үздік әлеуметтік жоба» номинациясы бойынша ұлттық «Тұмар» телевизиялық сыйлығының жеңімпазы атанды. Жаңа маусымды Jibek Joly арнасынан көре аласыздар.