Тасқынның алдын алуға 47 млрд теңге бөлінді

Биыл көктемгі тасқынның алдын алуға 47 миллиард теңге бөлінді. Қаржыға су басады деген қауіп бар 9 облыста бөгет тұрғызылып, арнайы техника сатып алынған. Атап айтсақ, Атырау облысына 22 миллиард теңге, Батыс Қазақстанға 10,5 , Қарағандыға 6 миллиард, Павлодарға 3,5 миллиард, Солтүстік Қазақстан облысына 2,5 миллиард теңге берілді. Гидрологиялық нысандарды қалыпқа келтіру Ақмола, Ақтөбе, Абай және Қостанай облыстарында да қарқынды. Аталған өңірлерге жалпы соммасы 2 миллиард теңге бөлінген. Бұл деректер бүгін Мәжіліс отырысында айтылды. «Атқарылған жұмыс ауқымды. Бірақ, күрмеуі шешілмеген мәселелер әлі де аз емес», дейді депутаттар.