Сербия Президенті Александр Вучич Астанаға ресми сапармен келді

Сербия Президенті Александр Вучич Қасым-Жомарт Тоқаевтың шақыруымен Қазақстанға ресми сапармен келді. Мәртебелі мейманды әуежайдан Үкімет басшысы Олжас Бектенов күтіп алды. Ертең Александр Вучичті Ақордада Қасым-Жомарт Тоқаев қабылдайды. Қос тарап саяси диалогты одан әрі нығайту, сауда-экономикалық байланыстарды және мәдени-гуманитарлық өзара іс-қимылды кеңейту мәселелері бойынша жоғары деңгейдегі келіссөздер өткізеді деп жоспарланған.