Президент Беларуське барды

Президент Қасым-Жомарт Тоқаев Жоғары Еуразиялық экономикалық кеңестің отырысына және Еуразиялық экономикалық форумға қатысу үшін Минск қаласына барды. Бүгін кеңес құрамындағы бес ел басшылары келіссөздер жүргізеді. Ертең форумда саяси-экономикалық мәселелерді талқылап, өзара стратегиялық байланыстың жаңа бағыттарын айқындайды. Айта кетейік, Еуразиялық экономикалық кеңеске Армения, Беларусь, Қазақстан, Қырғызстан және Ресей мүше.