Өз бақшасының өнімін тұтынатын ерекше балабақша

Түркістан облысында ерекше балабақша бар. Созақ ауданында орналасқан бөбекжайда бүлдіршіндерге берілетін ас мәзірі дүкеннен емес - өз ауласынан алынады. Ұжым көкөніс пен жемісті өздері егіп, балаларға тек табиғи өнім ұсынуды басты ұстаным еткен.

Балабақшаның ауласында жеміс-жидектің түр-түрі өседі. Мұнда  қазір картоп, қызылшадан бастап қауын-қарбызға дейін пісіп тұр. Ал өнімді жинау науқаны бүлдіршіндер үшін нағыз мереке. Өйткені кішкентайлар жеміс-жидекті теруге өздері атсалысады. Бұл арқылы оларға еңбектің қадірі үйретіледі.