Олимпиада-2026: 118 медаль сарапқа салынады

Италияда өтетін қысқы Олимпиада ойындарына 5 млрд доллардан аса қаржы жұмсалған. Бұл бастапқыда жоспарланған бюджеттен бірнеше есе көп. Халықаралық Олимпиада комитетінің төрағасы Андреа Варньенің айтуынша, оның 3,5 млрд доллары тек спорт нысандарын жаңартуға кеткен. Қазір Олимпиада қалашығына спортшылар жайғастырылып жатыр. 25-қысқы Олимпиада ойындарына әлемнің 93 елінен 3 мыңға жуық спортшы қатысады. Оның 36-сы Қазақстан құрамасының өкілдері. Жалпы сайысқа спорттың 8 түрінен 16 дисциплина бойынша 118 медаль сарапқа салынады. Жарыс ақпанның 6-сы мен 22-сі аралығында өтеді. Олимпиаданың ашылу салтанаты ертең Астана уақыты бойынша 23:50-де Милан қаласындағы «Сан-Сиро» стадионында өтпек. Жарысты Jibek Joly арнасынан тамашалай аласыздар. Қазақстан атынан алғашқы күні жарысқа 4 шаңғышы мен 3 мың метрлікті бағындыруға 2 конькишіміз шығады.