Наурызнама онкүндігі

Наурыз мейрамын отандастарымыз биыл да он күн тойлайды. Бұл жөнінде наурызнама тұжырымдамасы бекітілген. Бастауын Көрісу күнінен алатын мереке ағайынның амандық-саулығын сұрап, алысты жақындатуға арналмақ. Ал, 15 наурыз – Қайырымдылық күні. 16 наурыз – отбасының тұтастығы дәріптелсе, одан кейін мәдениет пен ұлттық дәстүр алдыңғы орынға шығады. Ұлттық киім күні әр қазақтың шапаны мен камзолы төрден көрініп, халықтың рухани келбеті жаңғырады. Ал, 19 наурыз – табиғат жаңарып, аулалар мен көшелер тазартылып, ағаштар отырғызылады. Бұдан кейін Ұлттық спорт күні қазақтың рухын көтерер бәйге мен көкпар, аударыспақ пен күрес жарыстарымен есте қалмақ. Одан соң Ынтымақ күні , 22 наурыз – Жыл басына ұласады. Ал, соңғы күн – Тазалық күні қоршаған ортаны күтіп, табиғатты аялауға шақырады.