Мұнай бағасы 100 доллардан асты

Мұнай бағасы қымбаттап, баррелі 111 долларға дейін жетті. Бұл – 2022 жылдан бергі алғашқы 100 долларлық межеден асу. Әрине, осы жолғы Brent маркалы мұнай бағасының өсуі Парсы шығанағындағы Ормуз бұғазы арқылы тасымалданатын шикізат көлемінің шектелуімен байланысты. Қытай, Үндістан, Жапония және Оңтүстік Кореяға дәл осы бағыт арқылы араб елдерінен мұнай жеткізіледі. Бұл әлемдік мұнай саудасының шамамен 20 пайызына тең. Ормуз бұғазы Иранның бақылауында. Израильмен қақтығыс күшейгелі ресми Тегеран ол жерден танкерлерді өте сақтықпен өткізіп жатыр. Bloomberg сарапшылары қақтығыс күшейсе, мұнай бағасы әлі де 120–130 долларға дейін көтерілуі мүмкін екенін болжап отыр. Әрине, Ормуз бұғазының жабылуы Қазақстанға тікелей әсер етпейді. Өйткені бұл бағыт арқылы ресми Астана мұнай тасымалдамайды. Бірақ мұнай бағасының өсуі ел табысын арттырады. Қазақстанның 2026–2029 жылдарға арналған бюджеті шикізат бағасы 70 доллар деп бекткен.