Мемлекет басшысы Сербия Президентін Қазақстанға шақырды

Мемлекет басшысы Сербия Президенті Александр Вучичпен телефон арқылы сөйлесті. Бұл туралы Ақорданың баспасөз қызметі хабарлап отыр. Қасым-Жомарт Тоқаев Александр Вучичті биыл Қазақстанға ресми сапармен келуге шақырған. Вучич мырза екіжақты ынтымақтастықтың даму қарқынын жоғары бағалап, қазақ-серб қатынасын одан әрі нығайтуға ниетті екенін жеткізген. Тараптар Қазақстан Президентінің 2024 жылғы қараша айында Белградқа ресми сапары барысында қол жеткізілген уағдаластықтарды жүзеге асыру барысын да талқылаған. Қос мемлекет үшін ортақ сауда-экономикалық және инвестициялық байланыстарды жандандыруды, соның ішінде өнеркәсіп, энергетика, құрылыс, ауыл шаруашылығы, цифрландыру, көлік және логистика салаларындағы бірлескен бастамаларды нақты іске асыру өте маңызды.