Мәжілісте банк туралы заң жобасы қаралды

Енді алаяқтар рәсімдеген кредитті банктердің өздері жабады. Ал, қарызын кешіктіргендерге тұтынушылық несие берілмейді. Бүгін мәжілісте Банктер туралы заң қаралды. Кімдердің кредиті кешіріледі? Ипотеканың пайыздық мөлшерлемесін төмендей ме? Несие беру талаптары қалай өзгереді?

Банктер туралы Заң 30 жыл бұрын қабылданған. Содан бері аз-маз өзгерістер мен толықтырулар енгізіліп келген. Алайда ол саладағы күрмеулі мәселелерді шеше алмады. Халықтың тұтынушылық қарызы артып, 23 трлн теңгеге жетті. Алаяқтық ауыздықталмай тұр. Банктердің экономикаға қосып жатқан үлесі шамалы. Тіпті мемлекеттен алған қарыздарын қайтаруға асықпайды.