«Көктем тамшылары» би байқауы өтті

Астанада ерекше «Көктем тамшылары» атты би кеш өтті. Дүниежүзілік би күніне орай тұңғыш рет сайыс зейнеткерлер арасында өткен. Жастары 61-75-тегі қарттар шетінен әуесқойлар. Өнерпаздар ұлттық би, классикалық би, заманауи би, бал биі, вальс пен танго сынды жанрда бар өнерін көрсеткен. 

87 жастағы Сабыржан ата – бүгін би сахнасының шынайы жұлдызына айналды. Қатысушылардың ең жасы үлкені де осы кісі. Орталыққа Биді 1 айдың ішінде үйреніп алған екен. Ең бастысы ниет болса болғаны дейді қария. Би – жанына шипа беріп, өмірге деген құлшынысын оятыпты. Жасы тоқсанға таяса да қартайдым деп үйде жатып алмай, қозғалып, елмен араласқанды жақсы көреді екен.   

Қасым Жұмабаев, Зейнеткер: 

- Үйде шалқиып жатқанша мұнда келіп, танысып, курстарға барып.. Жас кезімізде жұмыстан қол тимеді. Енді қазір боспыз, осылай қатысуға болады.  

Байқау Астана қаласының  5 ауданының ұйымдастыруымен өтті. 10 ға жуық би ұжымдары бақ сынасты. Осы шараға қатысу үшін қариялар 3 ай дайындалып, үстілеріне әдемі киім тіккізіп, бар ынта жігерімен қатысуда. Мұнда тек мың бұрала билеп, ән айтып ғана қоймай басы бостары бір бірін түсініп отбасын құрғандар да бар екен. 

Бақытжан Төлеубаева, Ұйымдастырушы: 

- Біздің мақсатымыз кісілерге бос уақытын жәй өткізбей өздеріне пайда әкелсін деп. Бізде көңіл күйлерін көтереді, танысады. Бізде отбасы құрып жатыр, дәл би тобына келгендер. Вальс үйрене бастайды, бір бірімен танысады. Бізде неше семья бар осы би тобына келіп қосылып жатқан.  

Ақмарал Төлеубек, Тілші: 

- Қарттық – шегіну емес, шынайы бақытты сезіну  кезеңі. Бүгінгі сахнада соны көрдік. Әр қимыл- шынайы жүректен шыққан үміт пен қуаныш. Бұл – көктемнің тамшысы ғана емес, жандарына нұр құйған үлкендердің шаттық биі болды.