Көкпардан әлем чемпионаты басталды

Түркістанда көкпардан әлем чемпионаты басталды. Тоғыз жыл үзілістен кейін қайта жаңғырған тарихи додаға әлемнің 9 елінен ең таңдаулы құрамалар жиналған. Төрткүл дүниенің назарын аударған білектілер бәсекесі жаңадан бой көтерген атшабарда өтеді.  Жарыстың алғашқы айналымында-ақ қызу тартыс басталды. Мәселен, Ресей құрамасы Моңғолияны 3:0 есебімен жеңсе, тәжіктермен тартысқан Қазақстан құрамасы 8 рет салым салды. Өзбекстан шабандоздары Қытай командасын 10:0  есебімен жеңді. 19 наурызға дейін топтық кезең ойындары өтеді. 21-і күні чемпион мен жүлдегерлер есімі белгілі болады.  Әлем чемпионатының жалпы жүлде қоры — 30 миллион теңге.