ІІМ алкоголь сатылымын шектеу туралы ұсынысты қолдайды

Қазақстанда алкоголь өнімдерін сатуға шектеу қойылуы мүмкін. Бүгін сенат кулуарында журналистер сұрағына жауап берген Ішкі істер министрінің орынбасары Игорь Лепеха қоғамда көтеріліп жатқан осы ұсынысты қолдайтынын айтты. Сөзіне қарағанда, ведомства басшылығы осы ұстанымда. Өйткені қылмыстардың басым бөлігі әдетте ішімдікке әуестенгендер кесірінен көп тіркеліп жатады. Бұл мәселе бұған дейін де бірнеше мәрте көтерілген. Бірақ бүгінгі күнде шектеу тек алкоголь өнімдерін 21 жасқа толмаған азаматтарға сатылмасын дегенмен ғана шектеліп келеді. Мас күйінде көлік тізгіндеу фактісі де жоғары.