Халықтық Конституция үшін коалициясының қорытынды отырысы өтті

Қазақстандықтар жаңа Конституция құндылықтарын қолдайды және ел болашағын осы құжатпен байланыстырады. Мәжіліс төрағасы Ерлан Қошанов Жалпыұлттық коалициясының қорытынды отырысында осылай деді. Ол референдумның тарихына терең тоқталып, мемлекет пен қоғам дамуының жаңа кезеңі басталатынын айтты. Жаңа Ата заң жаңа дәуірге жетелейді деді. Сондай-ақ, коалицияның барша мүшесіне, саяси партиялардың, қоғамдық бірлестіктердің, кәсіподақтардың өкілдеріне, белсенді жастар мен волонтерлерге атқарған жұмыстары үшін алғысын білдірді. Айтпақшы, Коалиция жұмысы мұнымен аяқталмайды. Керісінше, Коалиция құрамына енген барлық ұйым Ата Заңдағы жаңашыл нормаларды жүзеге асыру жұмысын жалғастырып, олардың мәнін және қоғамға беретін мүмкіндіктерін азаматтарға терең түсіндіруге атсалысады.