Елімізде обырды емдеудің жаңа әдісі енгізілді

Елімізде қатерлі ісікті емдеудің жаңа тәсілі қолданыла бастады. Протон терапиясы деп аталатын бұл әдіс сау тіндерді барынша қорғап, ісікті жоя алады. Радиахирургия арқылы да бір ағзадан екіншісіне тараған обыр жасушасын залалсыздандыруға болады. Қазір қауіпті кеселге қарсы препараттарды шығару, оларды зерттеу ісі де қарқын алған. Бұл елімізді фармакомпаниялар үшін өңірлік хабқа айналдыруға жол ашады. Бүгін Ұлттық онкологиялық орталығына барған  Үкімет басшысы осындай жаңалықтарды көріп қайтты.