Ел дамуына үлес қосқан азаматтар марапатталды

Республика күні қарсаңында Шымкентте де ауқымды іс шаралары өтті. Сондай-ақ, қала дамуына елеулі үлес қосқан бірқатар азаматтар марапатталды. Салтанатты рәсімге қала әкімі Ғабит Сыздықбеков қатысып, еңбек майталмандарына наградаларын табыстады.

Бұл күні өз саласында табандылық танытып, адал еңбек еткен жандардың еңбегі еленді. Марапат иелерінің қатарында ұстаздар мен дәрігерлер, әскери қызметкерлер мен қоғамдық ұйым өкілдері бар. Салтанатты рәсім ел мерейін асыратын мерекелік көңіл-күйде өтті.