Экоакция аясында тимбилдинг өтті

Жыл басынан бері Солтүстік Қазақстан облысында «Таза Қазақстан» акциясы аясында 830-дан астам түрлі іс-шара өткен. Бүгін өңірде «Таза табиғат – таза болашақ» атауымен ерекше форматта экоакция ұйымдастырылды. Оқушылармен студенттер орталық саябаққа жиналып,  тимбилдингке қатысты. Бұл жолы 50-ге жуық адам бірнеше командаға бөлініп, экологияға қатысты бар білгендерін ортаға салды. Сұраққа дұрыс жауап бергендері арнайы сыйлықтармен марапатталды. Ал, ұйымдастырушылардың сөзінше бұл бір күндік шара емес. Алдағы уақытта қоршаған ортаны аялап, экологиялық мәдениетті қалыптастыруға бағытталған қызықты байқаулар қатары арта түспек.