Былтыр 32 мыңнан астам жол-көлік оқиғасы тіркелді
2025 жылы жолды күтіп ұстамағаны үшін 7,4 мың адам жауапқа тартылды. Полиция қызметкерлері 41 мыңнан астам тексеру жүргізіп, 90 мың кемшілігін анықтаған. Автожолдарда орташа жылдамдықты бақылау жүйесі орнатылғалы, көлік апатынан қаза тапқандар саны 12 пайызға төмендеген. Қазіргі таңда жүйе 8 бағытта Астана – Щучинск, Астана – Павлодар, Шымкент – Тараз және т.б. бағыттар бойынша жұмыс істеп тұр. Алдағы уақытта тағы 10 бағытқа енгізу жоспарланған. Айта кетейік, былтыр 32 мыңнан астам жол-көлік оқиғасы тіркелген. 23 мың жүргізуші мас күйінде ұсталып, 29 мыңы көлік құралын басқару құқығынан айырылды. 24 мың адам әкімшілік қамауға алынды. Жол қауіпсіздігі Президенттің назарындағы мәселе. Бұл туралы таяудағы сұхбатында айтқан.
