«Ауылдық денсаулық сақтауды жаңғырту» ұлттық жобасы

Ақмола облысының Аңдықожа ауылында – жаңа амбулатория ашылды. Енді ауыл халқы сапалы медициналық қызмет алу үшін алысқа сабылмайды. Жаңа дәрігерлік нысан «Ауылдық денсаулық сақтауды жаңғырту» ұлттық жобасы аясында бой көтерді.

Андықожа ауылында 800-ге жуық тұрғын бар. Бұған дейін олар жалдамалы ғимаратта медициналық көмек алатын. Ал шұғыл көмек қажет болған жағдайда, аудан орталығына сабылатын. Жаңа медициналық пунктің ашылуы қариялар мен көпбалалы аналарға жақсы болды.

Гүлім Байдүйсенова, Ауыл тұрғыны:

- Көптен бері осында тұрамын. Көпбалалы анамын. Ауылымызда осындай керемет бір жақсы оқиға, қуанышты бүгін. Көптен күткен фап ашылып, арманымыз орындалып жатыр. Енді кішкентай балаларыммен осында келеміз, привика аламыз, ауырсақ та жүгіреміз осында. Қуаныштымын расында осындай жақсылық болып жатқанына.

Медициналық пункт бір ауысымда 40 адам қабылдай алады. Нысанға заманауи жабдықтар орнатылған. 5 маман қызмет көрсетеді. Терапевт, акушер, екпе және емшара кабинеттері жұмыс істейді.

Бауыржан Қасенов, Аудан әкімі:

- Фельдшерлік-акушерлік пунктің ашылуы баршамыз үшін ерекше маңызы бар тарихи сәт. Бұл ел тәуелсіздігінің игілігі әр ауылға, әр шаңыраққа жетіп жатқан көрсететін нақты белгілі. Жаңа нысан ауыл тұрғындарын сапалы медициналық қызмет алуына жол ашып, аналар мен балалардың денсаулығын қорғауға үлкен үлес қосады. Баршаңызды осы қуанышты күнмен шын жүректен құттықтаймын!

Жалпы, аймақта ұлттық жоба аясында 38 дәрігерлік нысан пайдалануға берілді. Бүгінде 130 мыңнан астам ауыл тұрғыны сапалы медициналық қызметтің игілігін көріп отыр.

Авторы: Жанар Мұқышева