Ауыл шаруашылығы техникалары есепке алынады

Ауыл шаруашылығы техникаларының нақты саны шығарылып, сапасы анықталады. Есепке алу жүйесі 3 жақты негізде іске қосылады. Сала министрлігі мен азаматтарға арналған үкіметтің ақпараттық жүйесі арқылы біріктіріліп, бірыңғай цифрлық платформа ашылады. Ал, халыққа қызмет көрсету орталықтары техниканы тіркеу немесе қайта тіркеу, тракторшы-машинист куәліктерін беру және техникалық байқау жүргізумен айналысады. Бұл жұмыстар биыл екінші тоқсаннан басталады. Осылайша өнімділік жақсарып, аграршыларды қолдау мүмкіндігі артады екен.