Әлемдік деңгейдегі таеквондо тартысы басталды
Астанада дүние жүзінің кілең мықты таеквондошылары бас
қосады. Мұнда Жақсылық Үшкемпіров атындағы жекпе-жек сарайында Kazakhstan Open
2025 халықаралық турнирі ұйымдастырылып жатыр. G-1 дәрежесіндегі бұл жарыс -
World Taekwondo ресми күнтізбесіне енген беделді дода. 23 елден келген 750-ден
астам спортшы шеберліктерін сынға салады. Турнир Қазақстанда алғаш рет KPNP K-2
электронды жүйесімен өтуде. Арнайы қолғаптар мен сенсорлар әр соққыны дәл
тіркеп, әділ төрелікке мүмкіндік береді. Жүлде қоры - 15 миллион теңге.
Ұйымдастырушылардың айтуынша, мұндай жарыстар елдегі таеквондо спортының
деңгейін көтеріп қана қоймай, жастардың спортқа деген қызығушылығын арттырады.
