200-ден астам жаңа мектеп ашылады

Биыл «Келешек мектептері» ұлттық жобасы аясында елімізде 218 мектептің құрылысы аяқталады. Оның жартысына жуығы ауылдарда бой көтермек. Жаңа білім ошақтары цифрлық технологиялармен жабдықталып, оқушылардың ғылыми әлеуетін дамытуға арналған түрлі жобаларды жүзеге асыруға мүмкіндік береді. Бұл мақсатта мектептерде STEM-зертханалар, робототехника, химия және физика кабинеттері қарастырылған. Мектептердің қауіпсіздік талаптары да заманауи стандарттарға сай. Білім беру нысандары бейнебақылау жүйелерімен жабдықталған.